ابو فـــــــــــــــــــاطمة

ابو فاطمة  راجل سكرة  
                             في الشدة تلاقية مجدعة
وفى الهزار مسخرة
                         يقول كلام منظوم والكلمة متقدرة
ابو فاطمة شاب فقير
                      صحيح همومة كتيرلكن بيرمى لورا
ابو فاطمة عيلتة كبيرة
                         وكل واحد مشاغلة كتيرة
عايش في الدنيا وحيد
                       شدة ورخا قرايبو بعيد
ابو فاطمة راضى بحالة
                          ياكريم يارب ومين غيرة

ابو فاطمة خلص كلية
                       والدرجات مية المية
وكمان قدم في وظيفة
                     مدفعيش ليها ولا تعريفة
لكن زميلة بن ظريفة
                       وز وحمام وكمان نيفة
سنة سنتين ولا اتعين
                     وابن ظريفة خلاص اتمكن
ابو فاطمة سكت متكلمش
                        اصل الدنيا رشاوى وغش
.علشان تعدى لازم ترش
                       عشان الكبير يملا الكرش
ابو فاطمة لسة ماتجوزش
                      وفاطمة دى ضحك وقلش  
فين بقى راح يجوز
                     لاعندة قيراط  وجيبة مفلس
خلينا نضحك ونتسامر
                        وانسى ال

هم ربك قادر
وانت ياشيخ ماتكبرهاش
                         ربك كريم ولاينساش
بكرة تروق وتكون احلى
                      شعار دنيتك القادم احلى