كل يوم فيكى يابلبيس

ماشيين في دنيا بتطوحنا
                        قريب وبعيد وتمرجحنا 
يوم ابيض بيسعدنا ويفرحنا
                      وعشرة سود تبكينا وتجرحنا
تطل عيونى من الشباك
                         واقول للهم خدنى معاك
شباكى دا كنا شباك اتوبيس
                        بيمر بمدينة اسمها بلبيس
ووسط الناس والزحمة
                        عجايب زمان مافيهوش رحمة
شيخ كبيروصل  ستين
                      وبنت سنها تحت العشرين
عيناهم مليانة حزن وشجن
                     والقلب يصرخ كلة انين
وشاب فقير همة يعيش
                         يبص لبنت بشويش بشويش
وناس على القهوة شيش بيش
                           وناس عايشة زى الدراويش